P. TERENTI AFRI ADELPHOE

DIDASCALIA

INCIPIT TERENTI ADELPHOE

ACTA LUDIS FUNERIBUS L. AEMELIO PAULO

QUOS FECERE Q. FABIUS MAXUMUS P. CORNELIUS

AFRICANUS

EGERE L. AMBIVIUS TURPIO L. HATILIUS

PRAENESTINUS

MODOS FECIT FLACCUS CLAUDI TIBIIS

SARRANIS TOTA

GRAECA MENANDRU FACTA VI M. CORNELIO CETHEGO

L. ANICIO GALLO COS.

C. SVLPICI APOLLINARIS PERIOCHA

• Duos cum haberet Demea adulescentulos,
• dat Micioni fratri adoptandum Aeschinum,
• sed Ctesiphonem retinet. hunc citharistriae
• lepore captum sub duro ac tristi patre
• frater celabat Aeschinus; famam rei, 5
• amorem in sese transferebat; denique
• fidicinam lenoni eripit. uitiauerat
• idem Aeschinus ciuem Atticam pauperculam
• fidemque dederat hanc sibi uxorem fore.
• Demea iurgare, grauiter ferre; mox tamen, 10
• ut ueritas patefacta est, ducit Aeschinus
• uitiatam, potitur Ctesipho citharistriam.

 

DRAMATIS PERSONAE

MICIO SENEX *   DEMEA SENEX

SANNIO LENO  * AESCHINVS ADVLESCENS

BACCHIS MERETRIX *  PARMENO SERVOS

SYRVS SERVOS *  CTESIPHO ADVLESCENS

SOSTRATA MATRONA  *  CANTHARA ANVS

GETA SERVOS  *  HEGIO SENEX

PAMPHILA VIRGO  *  DROMO PVER